وجعلنا من الماء كل شئ حى ، الماء رمز الحياة رمز الطهارة
وانا قاعد على البحر يوم 25 - 10 - 2012 لاقيت الجو جميل والمياه هادية وعلى اخر نظري لاقيت ضوء احمر عمال يظهر ويروح ، انا قولت ده اكيد مركب بتولع بس لو بتولع بجد كان النور يفضل على طول ، لا ده برق ، برق قبل العيد ده اكيد الدنيا حتبقى بظرميط ، لاقيت البحر هادى والمياه جميلة الجو بس سقع شوية ، لاكن البرق ده معناته ايه احنا لسه طالعين من برق ورعد صحى الناس كلها من النوم وبعدين الواحد مجبش هدوم تقيلة فى العيد ده ، هى النوة جت تانى ولا هيا اصلا مرحتش ،ايه ده ، لا بس ده عمال يشكل السحاب انا مرة شوفت جامع كبير ومرة شوفت جمل بسنمين ايه ده ده واحد بيصلى اه ، الله ده شكله جميل اوى .
روحت البيت علشان بكرة الوقفة والعيد وانا فى السكة افتكرت سؤال محيرنى … هو يوم القيامة كلنا حنغرق فى المياه ولا الجفاف حيملى الدنيا ؟؟؟؟ افتكرت قول الله تعالى وجعلنا من الماء كل شئ حى ، وبعدين كوكب ده عامل زى السفينة بيدور حول نفسه 24 ساعة فى اليوم وحول كرة ملتهبة فاكيد دورانه حول كرة ملتهبة بسرعة 360 يوم فى السنة بيخليه يسخن ارض وسما ، يبقى المياه اللى سطحه دى بتبرده بتخليه يحافظ على درجة حرارته وكمان بتوفر غلاف جوى يحمى جوه من الحرارة دى كمان بتغذى التربة وترطبها ، سبحان الله وبحمده .. سبحان الله العظيم ،اصل الفيضان لو جه حيحصل مد للمياه وحتتكون بحيرات مالحة وبعدين الميه حترجع تانى لنفس مستواها مستوى سطح البحر وده موجود من زمان من ايام ما اتكون بحيرت المريوطية ، يبقى اكيد احنا حنموت من الجفاف طب ايه اللى حيخلى يوم القيامة كله جفاف ؟؟؟ الاجابة البديهية ظاهرة الاحتباس الحرارى ،زى انبعاث الابخرة وتلوث المياه اه بس اكيد فى حاجة كمان ايه هى بقى ، دى الكتلة الاسمنتية ، الكتلة الاسمنتية بتمنع ترسيب المياه فى التربة المفروض ان التربة تمتص مياه الامطار وتختزنها وتكون منها المياه الجوفية اللى هيا بتعمل ينابيع يمكن الرى باستخدمها ، لكن اللى بيحصل غير كده خالص مياه الامطار بتنزل على الكتلة الاسمنتية بتمنع اختزانها وبيتم صرفها عن طريق صرف المطر الى مياه البحر ، يعنى كانك يا ابو زيد ما غزيت ، زى كوكاكولا زيرو كده ، بس من علامة يوم القيامة انشقاق القمر ، اه بس انا عارف فى المدرسة ان القمر بيتحكم فى المد والجزر يبقى اكيد انشقاق القمر حيسبب جزر وبالتالى حيبقى فيه جفاف فدرجة حرارة الارض حتزيد وكده حيحصل حاجة من الاتنين يا حتخرج من مصارها او حتنفجر من الحرارة او حيحصل الاتنين ، علشان كده الواحد لما بيفكر فى بكرة بيفكر ان بكرة يوم القيامة وبيعمل كل خير علشان ربنا يرضى عنه ويرحمه برحمته يوم القياامة .
